صيدة (رجوتك يا زمن ارجع )

رجوتك يازمن ارجع.. رجوتك يازمن أرجع
ترّجع سالف الأيام ..خفوقي ما رضي يقنع.
ونار الشوق تحرقني ..وعيني بالمطر تدمع




* * * *


وذبلت كل أزهاري ..ذبل وردي وريحاني
وفي بحر الندم ضاعت .. يواقيتي ومرجاني
وامسح دمعة من عيني بيدي .. تحرق اوجاني


* * * *


وكم من طيف من بعدك ..يدق ع سور بستاني
أشوفه ماهو بطيفك .. أرد غيرت عنواني
رجوت الموت يأخذني .. وانته تنسج اكفاني


* * * *


وفي الواقع ..
وفي الواقع ..
تبي الواقع .؟
أنا اعرف كل سواليفك ..
وأعرف من هم أحبابك .. وأعرف من معاريفك


* * * *


تواصلني تجاملني .. وقلبك في الهوى لغيري
حكاية حبنا تشبه .. حكاية توم مع جيري


* * * *


ولكن هكذا حِبَك ..
ونا اخطب في الهوى وِدّك ..
إذا جاء يوم تذكرني .. أحسه يوم ميلادي
وإن نظرة أتت منك .. يثور الشوق في فؤادي


* * * *


معاني صغتها لجلك .. قصيدة في قوافيها
(......) حروف هي اسمك .. بنغم الدان غنّيها
ولكن لاذكرت إني فقدتك ..سالت دموعي
وتمنع نفسي العزّة .. وغاية نفسي رجوعي


* * * *


وأخفت عيني الدمعة ..عن الناس والأنظار
وطارت قبلة أحلامي .. تخطت كل ها الأسوار
ولكن شوقي الجارف .كشف خيمي مع الاسرار
وخلاني اكتب أبياتي .. بساعات الفجر لربع
يقل لي صح بأعلى صوت :
رجوتك يازمن أرجع
رجوتك يازمن أرجع
رجوتك يازمن أرجع .