ابنسى عشرتي وياك وبنسى ريحت ثيابك

كثر ما كنت بك مغرم واداري الدمع بغيابك
...........تغيـــر قدرك بقلبي وصرت بجد ما أبغـــــاك

واذا تسأل وش الطاري ترا والله من اسبابك
...........اقــــرّب منك تبعدني بعد ما جاك من نسّــــاك

أنا أدري شفت كبر الفرق بيني وبين أحبابك
...........ولكــن صعب يتراجع حبيبن قد مشى وخلاك

بقول ان كان تـــذكرني انا من للهوى جـــابك
...........انا من جبر كسورك ومن جرح الزمن داواك

انا من كـــان لك عاشق أموت وكنت أحيابــك
...........انا من كنت تزعلني وكنت أشقى عشان رضاك

خطيـــــت وكنت أتحمل خطاك وكثـــرة عتابك
...........وكنت آآوقِّف بصفك وأخطِّــي كل من خطّــاك

أنا ما جيتـــك بنفسي ولانــي من طرق بابك
...........ولكن غلطـــة قليبي بأنــه ما نــوى يجفـــاك

تحمّل مني ما تسمع وحاول تمسك أعصابك
...........وهذا كـــل ما عندي ومن بعده بصد وأنساك

أنا ما عدت لك عاشق ولا حتى من أصحابك
...........خلاص اليوم ما آريــدك ولاني عايش بذ****

ابنســـى عشرتي ويـــاك وابنسى ريحه ثيابـك
...........وابيك تغيب عن عيني ودربي غير عن ممشاك

بتــلقى بدنيتك فعلك وعنـــد الخالق حسابـــك
...........ولابـــد يـــوم تتألم ولا تلقــــى أحـــــد ويــاك

شعر جمييييل يا صدى ....
ما أقسى من يجافيك وهو لك حبيب
وأقسى منه من يتركك وانت قد بعت من أجله الغالي والنفيس

الله لا يجيب الجفا ولا الزعل .... موفقه أختي صدى
مشكووووووره

اسعدني مرورك بحر الغضب

ومنورنا من جديد

نورت

» ابنسى عشرتي وياك