أنا مدري وش احساسك!!

هذه قصيدة للشاعر عبدالرحمن بن مساعد بعنوان ( اخطيت )
قال عنها الشاعر: فكرتها ماذا يمكن ان يقول الرجل حينما يكتشف أمام من يحب انه تورط في نزوة

الابيات الملونة هي اجمل الابيات بالنسبة لي-:-

أنا مدري وش إحساسك ؟.. و مدري وش تظنيني؟..
أنا الصادق في عينك كنت .. و صرت الكاذب الخوان !

أنا أخطيت .. ما أنكر .. و لا في عذر يكفيني ..
سوى أني أحبك حيل..و أني دائماً انسان..

أنا أدري بمدى جرحك .. و أدري الحظ جافيني..
يطول الوقت ما أخطي .. و إذا أخطيت كل شي بان..

أنا شفت الزهر مايل و ظنيته يناديني !
قطفته ..يوم ضميته..لقيته للأسف ذبلان!

عرفت أنك زهر عمري .. عرفت أنك بساتيني..
و غيرك قيظ ما يروي .. سرابٍ يشقي العطشان..

أنا لو ما حصل ما كان .. و شو اللي يدريني..
بأنك ما سواك أنتي سكنتي القلب و الوجدان ؟

أنا آسف على أعذاري .. عجزت ألقى عذر فيني ..
يليق بغلطتي في حقك .. و يرجع كل شيءٍ كان ..

أحبك كثر أخطائي .. و أدري أنك تحبيني ..
و أدري لو تفارقنا .. فلا نقدر على النسيان..

إذا تقوى على فراقي و بعدي عنك .. خليني..
أنا مليت من دور الكرامة..لعبة الغفران..

قليل العمر ياللي أنتي دموعك ما تساويني..
حرام أنه يضيع فراق .. هي من قلها الأحزان..؟؟!!

تسلم
على الكلمات الراقي

ندى العمر كتب:: تسلم
على الكلمات الراقي

الله يسلمك اختي ,, ومروك على الموضوع زاده تألق

» مدري تفو هي مدح ولا شتيمه
» اوصف احساسك بكلمه
» تعالوا صميل يا رضى نهني الأخ :: بحر السكون مدري الغضب :: بعيد الميلاد |~