بلا عنوان

موضوع: بلا عنوان السبت سبتمبر 18, 2010 1:24 am

حبٍ يشيّب صاحبه ما بَعَدْ شاب .. وحبٍ يشيب وصاحبه في شبابـه

وحبٍ يغيب وصاحبه ما بَعَدْ غاب .. وحبٍ يدوم وصاحبه في غيابـه

وحب يذوّب خافقٍ ما بعد ذاب .. وحبٍ يداوي صاحبه مـن عذابـه

وحبٍ يتوّب خافقٍ ما بَعَدْ تاب .. وحبٍ يزيدك رغبـةٍ فـي الكتابـه

وحبٍ حياته كلّها لوم وِعْتاب .. وحبٍ حقيقـي مـا يضـرّك عتابـه

وحبٍ بلا معنى وحبٍ بلا اسباب .. يبدا غريب وينتهي فـي غرابـه

وحبٍ ضعيفٍ مثل حبرٍ على كْتاب .. تمحيه دمعه في ثوانـي كآبـه

وحبٍ قويٍ مثل قصرٍ له ابواب .. لو هبّ عاتيْ الريح ما اهتز بابـه

وحبٍ بداية رحلته نظرة اعجاب .. واخر مطافه مثل يـومٍ بـدا بـه

وحبٍ يعيش بداخل قْلوب الاحباب .. وحبٍ يشيع وكل حَيٍ درى بـه

وحبٍ مقامه في ضلوع الصَدِر طاب .. وحبٍ يعدّي مثل مرّ السحابه

وحبٍ على قبره نعق بوم وغْراب .. وحبٍ تغنّى به لحـون الربابـه

وحبٍ بمقدارٍ وحبٍ بلا حْساب .. وحـبٍ بمعـروفٍ وحـبٍ نهابـه

وحبٍ يعيش أهله وسط داره اغراب .. ويموت قهر ويندفن في ترابه

وحبٍ غدا سرّه سوالف للاجناب .. وحبٍ يموت وصاحبه ما حكى به

وحبٍ يشيب وصاحبه ما بَعَدْ شاب .. وحبٍ يشيب صاحبه في شباب

موضوع: رد: بلا عنوان السبت سبتمبر 18, 2010 12:53 pm

واووووووو

بصراحه كلاااااااااام روووووووووووووعه وشعر ولا بعده شعر

مشكوووووووووره يالغاليه

موضوع: رد: بلا عنوان السبت سبتمبر 18, 2010 7:53 pm

عزيزتي ريماس
ما اجمل ما تعزف اقلامك من كلمات
ابحث عن جدبدك دوما
فاتمنى الا تحرمنا من كتاباتك الجميله
تحياتي

موضوع: رد: بلا عنوان الأحد سبتمبر 19, 2010 2:07 am

ياسر .. الله يسعدك دوووم ولا يحرمنا من ردودك

ليــــــدي ... الله يخليكِ ...طلتكِ اسعدتني

بلا عنوان 20295mer

» بلا عنوان ..
» بدون عنوان..
» >>>>بدون عنوان<<<<
» بحث في عنوان الطيف الجزيئي
» الهدوء عنوان الإنسان الواعي >>>>